விக்ரம் குமார் இயக்கத்தில் சூர்யா முதல்முறையாக மூன்று வேடங்களில் நடித்திருக்கும் படம் 24. இப்படத்தின் பாடல்கள் மற்றும் முன்னோட்ட காட்சிகள் சமீபத்தில் வெளியாகி ரசிகர்கள் மனதை வெகுவாக கவர்ந்துள்ளது. இதைதொடர்ந்து இப்படம் வரும் மே 6-ம் தேதி வெளியாகும் என ஏற்கனவே சொல்லப்பட்டு வந்தது.
இந்நிலையில் இப்படத்தின் அமெரிக்க வெளியீட்டு உரிமையை கைப்பற்றியிருக்கும் பிரபல சினி கேலக்ஸி நிறுவனம், இப்படம் வரும் மே 6-ம் தேதி வெளியாவதை உறுதிப்படுத்தியுள்ளது. மேலும் மே 5-ம் தேதியே இப்படத்தின் பிரீமியர் காட்சி அமெரிக்காவில் திரையிடப்படும் எனவும் அந்நிறுவனம் அறிவித்துள்ளது.